દોસ્તી

ફિલ્મોમાં કે વાર્તાઓમાં ઘણીવાર વાંચ્યુ કે ૩૦-૪૦ વર્ષે બે મિત્રો એકબીજાને મળે છે, પણ ઝુકરના આગમન પહેલાં રીયલ લાઈફમાં આવું બનતું નહતું.
ત્રણ-ચાર દાયકાના સમયના સપાટાએ બેઉના દેખાવ-હાલહવાલ એટલા બધા બદલી નાખ્યા હોય છે કે ચાલીસ વર્ષ પછી અનાયસે સાથે બેસીને બસમાં મુસાફરી કરે તો પણ એકબીજાને સહેજે ઓળખી ના શકે.

પણ આ ઘટના રીયલ લાઈફની છે,અને વિશ્વાસ કરો એ સાવ સાચી હકીકત છે.
કહેવાય છે કે પ્રેમ ક્યારેય નથી મરતો. એ વરસો વરસ જીવિત રહે છે. અને પછી કહેવાય છે ને કે “યદિ કિસી કો પુરે દિલ સે ચાહો તો પૂરી કાયનાત ઉસે તુમસે મિલાને કી કોશિશ મે લગ જાતી હૈ”

નયના જયારે ત્રીજા-ચોથા-પાંચમા ધોરણમાં ભણતી ત્યારે સંજય નામે એક છોકરો પડોશમાં રહેતો,અને એના જ ક્લાસમાં ભણતો. અડોસપડોશમાં રહેતા બીજા બાળકો અને સાથે ભણતાં બાળકો પૈકી આ બેઉ એકબીજાના મઝાના દોસ્ત બની ગયેલા. નયનાના કહેવા મુજબ, પાંચપૈસાની ચાર નારંગીની ગોળીઓ લેતા ત્યારે બેઉ એકબીજાને એમાંથી એક ગોળી અવશ્ય આપતાં.થપ્પો કે લંગડી રમતા ત્યારે બેઉ એકબીજાને સ્પોર્ટ થાય એવું રમતા, જેથી કેટલીકવાર કોઈ અંચયડા પણ કહી જતાં.

છઠ્ઠા ધોરણમાં આવતા નયનાના પપ્પાની બદલી થઈ અને રાંચી છોડી વડોદરા આવી ગયા. બેઉની બાળપણની દોસ્તી માત્ર યાદગીરી જ બની ગઈ.

લગભગ ચાર દાયકા પછી ફેસબુકના માધ્યમથી નયના-સંજયનો ફરી મેળાપ થયો.નયના વિદ્યાનગરમાં પોતાનું એક જીમ ચલાવે છે અને સંજય બદ્રીનાથમાં હેલૉકોપ્ટરનો પાઈલોટ છે. ત્રણ-ચાર વર્ષથી સંજયનું આમંત્રણ પેન્ડીંગ હતું જેને દસેક દિવસ પહેલાં જ મુલાકાતનો આકાર અપાઈ ગયો. નયના એની મોટીબહેન દક્ષાને લઈને દહેરાદુન પહોંચી ગઈ. દહેરાદુન એરપોર્ટ પરથી જ સંજયના મહેમાન બની સતત ચાર દિવસ સુધી હેલીકોપ્ટરમાં હિમાલયની સેર કરાવી એ બાળપણના મિત્રે..!!

સમય જતાં આપણે બદલાઈ જઈએ સમય બદલાઈ જાય કે સંજોગો..
પણ એકવાતનો હજી વિશ્વાસ છે કે જો દોસ્તીમાં એ નિખાલસ પ્રેમનું તત્વ મૌજુદ રહેશે તો એ દોસ્તી ગુમાવવાનો ડર નથી રહેતો કે નથી આવા સંબધોનું મુલ્ય કમ થઈ જતું.

કેવી અજબ માયા છે આ…હે ને??

Advertisements

આગાહી…. આગોતરો અંદેશો… કયારેક આપણને એવો અંદેશો કે એવી ગુડફીલીંગ આવી જતી હોય છે કે કશુંક શુભ-મંગળ થવાનું છે… અથવા તો કયારેક એવાં ભણકારા વાગે કે પછી જાણે અજાણે દિલ બેસી જતું હોય એવુ ફીલ થાય અને છૂપો ડર મહેસૂસ થાય કે હવે કશુંક અજુગતું બની જશે. આવા કુદરતી સંજોગો સામે આપણી છઠ્ઠી ઈન્દ્રીય આપણને આગોતરી જાણ કરતી હોય એવું ઘણીવાર ઘણા બધાને બનતું જ હોય છે. પણ.. મારી સાથે આવું કયારેય નહોતું થયું. કયારેય મારા વહેલી પરોઢના કે પાછલા પહોરના સપના સાચા નથી પડયાં. .. તમને થશે આટલી મગજમારી રીટાબેન કેમ કરે છે તો કહી દઉ એક સપનું થોડુ ઘણું સાચું પડયું છે. ગઇરાત્રે ઉંઘમાં/ સપનામાં હું રડતી હતી…. ઉંઘમાં મારી આ રડવાની ક્રિયાથી પતિદેવ ડિસ્ટર્બ થયા અને મને હચમચાવીને જગાડી પૂછયું. ..રીટા શું થાય છે? કેમ રડે છે? સવારે ચ્હા નાસ્તા સાથે એમણે ફરી આ વાત કાઢી અને પૂછયું …તું કેમ રડતી હતી ઉંઘમાં? ભૂત બૂત જોયું હતું કે શું? સપનું યાદ કરીને મેં કહ્યું. .. આપણાં બેઉનો ખૂબ ઝગડો થયેલો અને મેં ફોન પછાડીને તોડી નાખેલો અને એના પર પગ પણ પછાડેલા. સાંભળીને પતિદેવ ઘૂરકયા… એમાં રડવાની જરૂર તો મારે હોય તું કેમ રડી? ખબર નથી પણ સ્ત્રીઓએ રડવું જોઈએ એટલે રડી હોઈશ…મેં જવાબ આપ્યો. મજાક મસ્તી માં સવાર પૂરી થઈ. કામકાજથી પરવારી મોબાઈલ ફોન સોફાના હેન્ડલ પર મૂકી સોફા પર લંબાવ્યું અને ટેબ પર કેન્ડી ક્રશ રમવાનું શરૂ કર્યું. દરમ્યાનમાં કયારે મોબાઈલ પર હાથ અડી ગયો એની ખબર ના પડી. પણ એ ઝાટકા સાથે જમીન પર પછડાયો. મોબાઈલ પર હોળીના રંગ વેર્યા હોય એવો કલરફૂલ સ્ક્રીન જોઈને ખ્યાલ આવી ગયો કે હવે આ ફોન ટોટલ લોસમાં જવાનો. સાંજે વરરાજા ઘેર આવ્યા ત્યારે એમને બતાવી ને કહ્યું હવે મારે નવો ફોન લેવો પડશે.. મને એવી આશા હતી કે એ મારા આ એકસીડેન્ટને માફ કરી મને સરસ નવો ફોન લઈ જ આપશે. પણ… એમણે કહી દીધું. ..તારું સપનું ઉંધેથી અડધું સાચું પડયું છે. .હજી અડધું બાકી છે. એ પ્રમાણે આપણો ઝગડો તો હવે થવાનો એ નકકી જ છે.અને ત્યારે તું એ નવો ફોન પછાડે તો નુકશાન કોણ ભોગવશે? એના કરતાં હવે ઝગડો થઈ જાય ત્યાં સુધી તું જૂના પડી રહેલા ફોનમાં તારું સીમકાર્ડ નાખી દે. નિરાશ થઈ મેં કહ્યું. .. કુદરત કેવી અકળ છે.. આગોતરો અંદેશો આપ્યો હતો એને હું જ ઓળખી નહોતી શકી… જે હવે છેક સમજાયું… તો કહે છે શું સમજાયું તમને રીટારાણી? એજ… હું કેમ રડતી હતી એ… હવે નવા ફોન માટે મારે કેટલું રડવાનું છે એ મને સપનાં માં આવી ગયેલું. -દુઃખી રીટા..

જુની પેઢી(અમારાવાળી પેઢી) ધીરે ધીરે આથમતી જાય છે અને નવી પેઢી ઉભરતી જાય છે આને સમયનો ચકારાવો કહેવાય.તારા પછી મારો ને મારા પછી તારો,બધાનો વારો આવી જાય એજ કાળચક્ર.જેમ આથમતો સુરજ પોતાની ગરીમાની લાજમાં લાલ-ગુલાબી થઈ ક્ષિતિજની નીચે ઉતરી જાય છે એવી જ રીતે અમારી જુની પેઢીએ પણ નવી પેઢીના આંખમાં કણાની જેમ ખટકીએ એ પહેલાં જ ગૌરવ જળવાય એ રીતે એમની વચ્ચેથી ખસી જવું જ હિતાવહ છે. અમારા જમાનામાં છોકરાઓ-છોકરીઓ એકબીજા સાથે મુક્ત રીતે દોસ્તી રાખી શક્તા નહોતા, દોસ્તી પર સાવ જ બંધન હતું એમ નહોતું પણ એકલ-દોકલ સાવ અવરજવર વગરની જગ્યાએ જઈને એકાંતમાં ગુફતેગુ કરવી કે પછી હાથમાં હાથ ભેરવીને પિકચર જોવા ઉપડી જવામાં સમાજની શરમ ખાસ્સી રહેતી. આજે છોકરો-છોકરી મોટરસાયકલ પર મુક્ત રીતે લોન્ગડ્રાઈવ પર નીકળે છે, કાફે કે રેસ્ટોરન્ટ ને થિયેટરોમાં પણ આવા યંગ કપલ્સ નો જમાવડો જોવા મળે. જાણે સમાજ સાથે જોડાયેલ શરમ સાવ નષ્ટ થઈ ગઈ છે,કેટલાક યુવાનિયાઓ ફેશનપુર્વક બિન્દાસ ફરવાનું પસંદ કરે છે. અમારી પેઢીના માબાપ પણ બાળકોની આ બધી છુટછાટનો આરામથી સ્વીકાર કરે છે જેની પચ્ચીસ ત્રીસ વર્ષ પહેલાં કલ્પના કરવી પણ મુશ્કેલ હતી. થોડાદિવસ પહેલાં જયશ્રીબેન જોશી Shree Joshii મારી ઓફીસે આવ્યા હતાં, કાયમ જે કીટલીએથી ચ્હા આવે છે એનો ફોન નો રીપ્લાય આવતાં અમે બેઉ નીચેના ફ્લોર પર બનેલા નવા કાફે માં ગયાં, એન્ટ્રી લેતાં જ સામે પંદર-સત્તર વર્ષનું આવું જ પ્રેમીજોડું બેઠેલું, એમની હરકતો દરમ્યાન અચાનક અમારી એન્ટ્રી થતાં અમને બેઉને શરમાવું પડ્યું, નજર બીજે રાખીને અમે આગળના ટેબલ તરફ જતાં રહ્યા, અમે એ લોકોથી ઉંધા ફરીને બેઠેલા પણ એમના ટેબલ પરથી આવતા અવાજ અમને શરમાવી રહેલા માટે એ કોઈ અમને ફરી આવવાની મનાઈ ફરમાવે એ પહેલાં જ અમે ત્યાંથી વિદાય લઈ લીધી.પણ નીકળતાં નીકળતાં જયશ્રીબહેને એક સરસ શીખ આપી મને ..કહે…રીટા અમારી કોલેજમાં પણ આવા દ્ર્શ્યો હલતા-ચાલતા જોવા મળે છે, જ્યાં વિચારતત્વ જ ગેરહાજર હોય ત્યાં કોઈની સલાહ કામ ના આવે.જે યુવક-યુવતી સાવ નાની ઉંમરે આવી કોઈ રીલેશનશીપમાં ગુંચવાયા નથી એને આ પેઢી ગે-લેસ્બો માને છે એટલે બહુ વિચારવાનું છોડી દઈ આપણી પેઢી આરામથી એન્ટ્રી લઈ શકે એવા કાફેના લિસ્ટ તૈયાર રાખવા જેથી આપણને કોઈ ફેંકી ના દઈ શકે. -rita..

#એક_અધૂરી_દોસ્તી.. આજે અનિલકુમાર ચૌહાણ ની મૂકબધિર વાળી વાત પર મેસેજ વીડિયો કોલ વાળું સ્ટેટ્સ મને ઝંઝોળી ને ભૂતકાળમાં લઇ ગયું. નવ વર્ષ પહેલાં જ્યારે હું ફેસબુક પર નવી નવી આવેલ, ત્યારે શરૂઆત ના ૧૦૦ આભાસી મિત્રોમાં એક નઝમા રજેબ નામે એક યુવાન સહેલી હતી. ત્યારે મેસેનજર એપ નહતું, આવા એન્ડ્રોઈડ ફોન પણ નહોતા, આટલું સસ્તું નેટ પ્લાન નહતો.. પણ ફેસબુક મેસેજ હતા. આ નઝમા પણ હેયરિંગ મશીન થી સાંભળતી એમ અમારી મેસેજ માં વાતો થયેલ. વાતો કરવાની શોખીન આ છોકરી રોજ બપોરે મેસેજ કરીને જાત જાતની વાતો કરતી. શરૂઆતમાં એના ચાર પાંચ મેસેજ ભેગા થાય પછી હું મન થાય તો આન્સર આપતી. મારો આન્સર આવે એની રાહ જોઈ થાકતી પણ હશે. માટે એક દિવસ એણે ગુસ્સા માં લખેલું.. દેખ બ્યુટીફુલ આંટી..તુમ બ્યુટીફુલ હો તો યે અભિમાન યહાં નહી ચલેગા. યે મેસેજ નહી બેડમિન્ટન કા ખેલ હૈ સમજો ઓર મેસેજ શટલ કોક સમજો. શટલ કોક તેરે પાસ આયે તો તુરત વાપસ ભેજો..વરના ખેલકા અપમાન હોતા હૈ. અબ જબ ભી શટલ કોક આયે ઓર તુમને રખ ઉસે રખ લિયા તો મૈં નયા શટલ કોક નહી ભેજને વાલી. અને આમ e ક્યારેક ફિલ્મોની તો ક્યારેક ટીવી સીરિયલ ની વાતો કરતી મારી સાથે..!! પણ.. ક્યારેક કોઈ કારણસર શટલ કોક મારી પાસે રહી ગયું, એણે નવું ના મોકલ્યું અને મેં પણ હતું એ પાછું મોકલવાની બેદરકારી દાખવી. પાંચ સાત વર્ષ થી મારી પાસે જ પડી રહ્યું છે એ.. આજે અનીલભાઈની પોસ્ટ વાંચ્યા બાદ મે એને શોધી.. પણ કદાચ ગુસ્સામાં એ મને બ્લોક કરી ગઈ લાગે છે. -rita

અમારી ઓફીસની સામેની વીંગમાં એક આર્ટ સ્ટુડિયો છે એવી ઉપરછલ્લી ખબર. ત્યાં એક સફેદ ઝભ્ભા-લેંઘાવાળા દાદા, જેની દાઢી અને ખભા સુધીના લાંબા વાળ પણ સફેદ છે એવા લગભગ સાધુ-બાવા જેવા એ ધૂની. ખભે એક થેલો લટકાવેલો હોય અને એમની ધૂનમાં નીચી મૂંડીએ લોબીમાં ચાલતા હોય. શરુઆતના છ મહીના સુધી તો એમની સાથે પરિચય થવો એ જ અશક્ય લાગતું. પણ એક દિવસ આ અંકલ રિક્ષાની શોધમાં નીચે પાર્કીગમાં ઉભેલા, હું પણ પાર્કીંગમાં જ હતી.. (કો ઈન્સીડેન્ટલી યુ નો) એક રિક્ષાવાળાએ એમને બેસાડ્યા પણ કૈક વાંકુ પડતાં ઉતારી મુક્યા. કહેવાતા પડોશી હોવાના નાતે મેં એમને લિફ્ટ આપવાનુ આહવાન કર્યુ, અને એમણે સ્વીકારી લીધું. એકબીજાના પરિચય દરમ્યાન એઓ આર્ટીસ્ટ પ્રફુલ્લભાઈ દવે છે એમ જાણવા મળ્યું. બે-ત્રણ દિવસ પછી એ અંકલ મારી ઓફીસે આવીને વાતો કરવા લાગ્યા. વાતચીતના દોરમાં એ સાધુ બાવા જેવા દેખાતા આર્ટીસ્ટની હાઈટનો એક આલ્હાદક અહેસાસ થયો. કોઈ પ્રકારે આર્ટની કોઈપણ તાલિમ લીધા વગર, માત્ર પેશનથી જ આ ફીલ્ડમાં આવેલ એ આર્ટીસ્ટે વડતાલ મંદીરમાં જ્ઞાનબાગ ખાતે આવેલ આર્ટગેલેરીમાં સહજાનંદ સ્વામીના જીવનચરિત્ર પરના લગભગ ૫૦૦ પૈઈન્ટીંગ્સ બનાવેલા છે .ઉપરાત દેશ-વિદેશમાં કેટલાય મંદિર-જીનાલયોમાં મહાવીર-બૌધ્ધ-રાધા-ક્રિષ્ણ્-રામ-સીતાના ચિત્રોના સર્જક છે. એમના દિકરાના કહેવા મુજબ જો અંકલે પોતાના ચિત્રોનો રેકોર્ડ રાખ્યો હોત તો ગીનેસબુકમાં નામ હોત્….અને આ વાતે એજ્યુકેશનનું ઈમ્પોર્ટન્સ એ સ્વીકારે છે. એક્વાર હું એમના આ સ્ટુડીયોમાં જોવા પહોંચી ગઈ. અદભુત ભગવાનના સર્જનમાં એ અંકલ બીઝી હતા. સાચા સોનાના વરખ અને કિંમતી રત્ન-અલંકારો સહિતના શ્રીનાથજી જોઈને હું અચ્ંબિત થઈ ગઈ. ફોટોગ્રાફીની મનાઈ ના હોત તો સાચ્ચે જ ફોટો ખેંચીને કેટલીય લાઈક્સ ઉઘરાવત. આ અંકલનો દિકરો સ્કલ્પ્ચર આર્ટીસ્ટ છે, કહે છે ને મોરના ઈંડા….!! માતર પર બની રહેલ બ્રહ્માજી ના વિશાળ મંદિરમાં નાનીમોટી ત્રણેક હજાર મુર્તિઓના સર્જક છે એ ભાર્ગવભાઈ .! મેં તો રમતમાં જ કહ્યું હતું કે મને પણ આવી પીંછી પકડવી છે. ખુદ ભગવાનનું સર્જન કરનાર એ આર્ટીસ્ટ મને એમના કેટલાક કલર-પીંછી અને કાગળ રોજેરોજ બગાડવા દે છે..!! સમય મળે ત્યારે સાંજે થોડીવાર રંગના લીટા તાણવા જતી રહું… ત્યાં જતાં આવતાં એક જ ગીત ગણગણતી હોઉં… ‘કહીં તો યે દિલ કભી મિલ નહીં પાતે, કહીં સે નિકલ આયે જન્મોં કે નાતે’ -rita

Change

એક જાહેરાત આવતી હતી “કર લો દુનિયા મુઠ્ઠીમેં” .

સાચ્ચે જ્… એક ચાર ઈંચના મોબાઈલમાં આખી દુનિયા ખિસ્સામાં સમાઈ ગઈ.
વીસ વર્ષ પહેલા એટલે કે ૧૯૯૮ માં ગુગલમહારાજનો જન્મ થયો ત્યારે એને સપનેય ખ્યાલ નહીં હોય કે જુવાનીમાં પગ મુકતાં પહેલાં જ ઈશ્વર તરીકે પ્રસ્થાપિત થઈ જશે.

આજના આર્ટીફીશીયલ ઈન્ટેલીજન્સવાળા હાઈલી ઇલેક્ટ્રોનીક જમાનામાં ગુગલ ભગવાનથી બિલકુલ કમ નથી એમ ચોક્કસથી કહી શકાય ..!!!
ઈનફેક્ટ ભગવાનને પુછેલા સવાલનો જવાબ મળતા કદાચ વાર લાગે કે ના પણ મળે પણ ગુગલ દેવ અચૂક અને ત્વરિત રીપ્લાય આપે ..આપે અને આપે જ …!

ત્યારબાદ ૨૦૦૪ માં માત્ર ઓગણીસ વર્ષના એક છોકરાએ એના મિત્રો સાથે ટચમાં રહેવા એક એપ બનાવ્યુ, અને એ ફેસબુકની આખી દુનિયા ગુલામ બની ગઈ.
ક્યારેક તો સમજવુ મુશ્કેલ થઈ જાય છે કે આપણે ફેસબુક ચલાવીએ છીએ કે ફેસબુક આપણને ચલાવે છે. કેટલીય જાતની આપણી માહિતિ/વિચારો આપણે ફેસબુકમાં શેર કરતાં હોઈએ છીએ.

આ ફેસબુક આવતાં આપણે ૫૦ શબ્દોથી લઈને ૧૫૦૦ શબ્દો સુધી લખાણ વધુ વાંચતા થયા અને ૫૦ થી ૧૫૦૦ પેઈજની બુક્સ વાંચતા ઓછા થઈ ગયા.
લગભગ બે મહિના પહેલા એક મિત્રે એક બુક બહુ સ્ટ્રોંગ્લી રીકમેન્ડ કરી હતી.

“Everybody Lies: Big Data, New Data, and What the Internet Can Tell Us About Who We Really Are”. written by Seth Stephens.

માંડ માંડ એ બુક વાંચવાની શરુ કરી, ઈન્ગ્લીશ સાથે ટચ છુટતો જાય છે માટે પુરી કરતાં વાર પણ બહુ લાગી. જોકે શરુ કર્યા પછી પુરી ના થાય ત્યા સુધી ચેન ના પડે એવી એ બુક છે.

સ્ટીફનના કહેવા મુજબ બધા જ જુઠ બોલે છે, સત્યવાદી કે માત્ર સાચુ જ બોલવું એ એક તુત છે. દુનિયાની તમામ વ્યક્તિ જુઠ બોલે જ છે,છેતરે છે. છુપાવે છે, ડૉળ કરે છે.

બધા જ આવી ગયા એમાં….હા એ બધા સાથે ના હોય કે દરેકના પોતાના સંબધો પ્રમાણે એની માત્રામાં વધઘટ હોઈ શકે. લેટ્સ બી ઓનેસ્ટ..!આપણે બધા જ જીવતા જાગતા માણસો છીએ , કયારેક ખુશ હોઈએ છીએ તો ક્યારેક ઉદાસ, દુખી, હર્ટ થયેલા, માનસિક તુટેલા, ક્યારેક એકલા પડી ગયા હોય તો ક્યારેક કન્ફ્યુઝ હોઈએ જ છીએ. દર મીનીટે દર પળે આપણો મૂડ બદલાય છે.
પણ કોઈ પુછે કે કેમ છો?? તો આપણે એક સ્ટાન્ડર્ડ જવાબ આપીએ છીએ કે આયમ ફાઈન..કે પછી મઝામાં . આ એક મોટુ જુઠ છે પણ સત્ય હોય એમ એકસેપ્ટ થઈ ગયું છે કારણકે આપણે જાણીએ છીએ કે આપણી તકલીફોનો ચિતાર લેવા આ સવાલ નથી પુછાયો. વળી આપણે આપણું દર્દ આપણી તકલીફ કે આપણી ભુલોનું પ્રદર્શન થાય એમ પણ નથી જ ઈચ્છતા.

બધાને પોતાની ઑળખ સરસ,સાલસ,મહેનતું,ઈમાનદાર વ્યક્તિની જ જોઈએ છે.કોણ પોતાની જાતને લુચ્ચી,દગાખોર,સ્વાર્થી, કોઈનો દુરુપયોગ કરનારી તરીખે ઓળખાવાનું પસંદ કરે?? કોઈ જ નહીં ને?? અહી આપણે રોજબરોજ જુઠૂ બોલી લેતા હોઈશું.

બુકના ૫૩-૫૪ નંબરના પેઈજ પર સ્ટીફન લખે છે કે તમે જુઠૂ બોલશો જ એની ખાતરી છે પણ ઈન્ટરનેટ(ગુગલ-ફેસબુક-ટવીટર-ઈન્સ્ટા એન્ડ ઑલ્ નહી બોલે.
(ઈન્ટરનેટ હૅશટૅગ# પોપ્યુલર છે એ યાદ કરો. )

આવનાર યુગમાં ઈન્ટરનેટ ઑલમાઈટી સમાન કે એનાથી પણ આગળ ગણાશે.
તમે ગમે તે કરશો એના પર ગુગલ સર્ચ બાર ની નજર છે જ…એને ૩૩ કરોડ દેવતાની જરુર નથી..બસ તમે કંઈ પણ ટાઈપ કરો છે એની સાથે એ એલર્ટ હોય જ છે.

તમે મેપ્સ ઓન રાખો અને પછી જુઓ ગુગલ મહારાજનો કમાલ.
તમે જ્યાં જ્યાં જાવ એ બધી જ જગ્યાઓ ,એની આસપાસની ફેમસ પ્લેસ, એવરી થીંગ ની માહિતિ ગુગલ સ્ટોર કરી લે છે, અને આ સ્માર્ટ ફોન તમને તમારી ટુરનો હિસાબ એક ટચ માં જ આપી દે છે.

અને હા…
તમે તમારા ઈન્સ્ટ્રુમેન્ટમાંથી કોઈ પણ સર્ચ કે ડીટેઈલ ડીલીટ કરી શકો પણ ગુગલમાંથી નહીં. આજે જગતભરમાં દર સેકન્ડે મિલિયન લોકો કશુંક ને કશુંક શોધવા ગુગલ પર ક્લિક કરે છે અને એનાથી ગુગલને દર સેકન્ડે મિલિયન રુપિયાની આવક…જી આવી જ ઈન્કમ ફેસબુકને પણ થાય છે, બાકી ઝુકરબર્ગ કંઈ પાગલ નથી કે બિલિયન્સ ડોલર વોટ્સ એપ ખરીદવા પાછળ ખર્ચે.

ભલે કડવું લાગે પણ એ સત્ય છે કે ગુગલ આજે આપણી જિંદગી સાથે એ હદે વણાઈ ગયું છે કે દરેક નાની મોટી વાતે આપણે ગુગલની સેવાઓનો લાભ ઓલમોસ્ટ લેતા જ રહીએ છીએ અને ભલે ખબર હોય કે કદાચ જવાબ નહિ મળે કે ખોટો મળશે તો પણ એકવાર તો હું ને તમે બધા જ ગુગલ પર સર્ચ કરી જ લઈએ છીએ …આઈ મીન ગુગલ ને પૂછી લઈએ છીએ ..!!

અચાનક બહાર જમવાનો પ્રોગ્રામ બની ગયો, અને આસપાસમાં નવી રેસ્ટોરન્ટ વિષે જાણવું છે. નો પ્રોબ્લેમ..!! નાખો ગુગલમાં, ગુગલ મહારાજ રેસ્ટોરન્ટના મેન્યુ અને રીવ્યુ સાથે હાજર થઈ જશે.અરે કોઈ ફિલ્મ જોવી છે કે પછી પરીવારમાં જન્મેલા નાના બાળકનું નવું નામ પાડવું છે તો કરો ગુગલ..!!

અરે કોઈ પરીક્ષાલક્ષી સવાલ હોય કે ટેક્સેશનની મુંઝવણ હોય્…કે કોઈ નાની મોટી બિમારી, આપણે પહેલાં જ ગુગલ કરવા ટેવાઈ ગયા છીએ, યે ગુગલ ના હુઆ કોઈ ભગવાન હો ગયા. યેસ.. ઓલમાઈટીથી ખુબ નજીકનું સ્થાન લઈ લીધુ ગુગલ મહારાજે.( આપણા જેવા અતિ ધાર્મિક દેશમાં ક્યાક ગુગલનું મંદિર પણ હશે, જવુ હોય એણે ગુગલ કરી લેવું)

આજકાલ સીનારિયો એવો છે કે સોમાંથી પંચાણુ પેશન્ટ ડોકટર પાસે જાય એ પહેલા ગુગલ કરીને પોતાને શું થયું છે એનું અનુમાન કરી લીધુ હોય, ડોકટર નિદાન કરે એ પહેલા પેશન્ટની ધાણીની જેમ ફુટતી જુબાનના પગલે ડોકટર કહી દે કે ગુગલ કરીને આવ્યા છો? એની પાસે જ પ્રિશ્ક્રિપ્શન લખાવી લીધુ હોત તો..?? મારી ક્યાં જરુર જ છે??
આવી જ દશા ચાર્ટડ એકાઉન્ટન્ટસની છે…આવનાર દરેક ક્લાયન્ટ ગુગલ પાસેથી ‘ટેક્સ ગુરુ’ બનીને જ આવે ..!!
આપણે એને ‘ગુગલ ફલુ’ થી ઓળખીએ છીએ જ..!

અજાણી જગ્યાએ પહોંચવું છે અને કોઈને પુછવું નથી તો છે ને ગુગલમેપ્સ…!!
આપણા દેશમાં મેપ્સ એટલાં એક્યુરેટ નથી જેટલા અમેરિકા અને યુરોપમાં મેં જોયા.ત્યાં કોઈ કોઈને રસ્તો પુછે જ નહીં, અડ્રેસ મેપ્સમાં નાખો એટલે તમારા ડેસ્ટીનેશન પર પહોચાડવાની બધી જવાબદારી ગુગલમેપ્સની..!! ક્યાં કેટલો ટ્રાફીક નડશે, તમારી કારની સ્પીડ પરથી અંદાજીત સમય પણ કેટલો પરફેક્ટ આપે.અરે ટૉલ રોડ હોય તો ટૉલફ્રી રોડ પર જવું છે કે પૅ કરશો એ પણ ઓપ્શન ગુગલ પુછી લે.

અને ગુગલ પણ દૂધ માંગો તો ખીર પીરસે એની જેમ એકસાથે અનેકો જવાબ તમારી સમક્ષ હાજર કરી દે છે , પૂરી ઈમાનદારી અને કશું જ છુપાવ્યા વગર .!! ગુગલ પર સર્ચ કરતા કરતા સ્થતિ એવી બની ગઈ છે કે આપને ગુગલને ચલાવીએ છીએ કે ગુગલ આપણને એ નક્કી નથી થતું …!!

બુકનો સેકન્ડ પાર્ટ બુકનું હાર્દ છે.( મારી દ્રશ્ટીએ હો.)
આ પાર્ટમાં ઈન્ટરનેટના આ બીગ ડેટા આપણી ડે ટુ ડે લાઈફમાં ક્યાં ક્યાં અસરકારક છે એ બતાવે છે. દા.ત લોકોને શેમાં રસ છે?? ડેટા ફ્રોમ પોર્ન સાઈટ્સ અને બીજુ ઘણુ બધું. વૉલમાર્ટ જેવા મોટા ચેઈન ઓફ સ્ટોર બીગ ડેટા વાપરી વેપાર કરી લેતા હોય છે.

ફેસબુક પર ફૅક આઈ ડી સંદર્ભે કેટલીય પોસ્ટ અવાર નવાર જોવા મળે છે.

માબાપ ને ખબર નહીં હોય કે એમનું બાળક ગે કે લેસ્બિયન છે ..પતિ કે પત્નીને ખબર નહી હોય કે એમનું સ્પાઊઝ ગે કે લેસ્બિયન છે (interested in both) પણ ઝુકરબર્ગને તો ખબર જ હશે કે હુ ઈઝ ધીઝ્?

એટલે તો ગુગલની પેટાકંપની આલ્ફાબેટના સીઈઓ એરિક કહે છે કે ‘ અમે જાણીએ છીએ કે તમે કોણ છો ? શું કરો છો ? શું શોખ છે ? અત્યારે ક્યા છો ? શું વિચારો છો ? અમારી પાસે તમારા દરેક સવાલના જવાબ છે “ એરિક તો એનાથી પણ આગળ વધીને કહે છે કે આવનારા વર્ષોમાં ગુગલ તમને એ પણ કહી દેશે કે આજે રજા છે તો તમારે શું કરવું જોઈએ થવા કઈ નોકરી માટે એપ્લાય કરવું તમારા માટે વધુ સારું છે – વગેરે વગેરે ..!

ફાઈનલ પાર્ટ નાનો છે પણ મસ્ત છે.
બીગ ડેટાની સાઈડ ઈફેક્ટસ બતાવી છે.
આપણે ટાઈપ કરીએ એ બધા શબ્દો બીગ ડેટા બની જાય છે ગુગલ માટે.
ટ્ર્મ્પ અને ઓબામા પર પણ રીમાર્ક મમળાવવા જેવી લખી છે એમાં…
પણ…

ઈન્ટરનેટ જાણે છે આપણી વોકલ એબિલિટી, બોડી લેંગ્વેજ વગર આપણા માટે કરેલા જજમેન્ટ ખોટા પડી શકે. અને એટલે જ ઍપલની પેલ ‘ હાય સીરી’ કે પછી સેમસંગની ‘હાય ગેલેક્સી’ નો જન્મ થયો છે.
આજકાલ ‘ અલેક્સા’ પણ ધુમ મચાવી રહી છે.
તમારા અવાજ પરથી તમારી ઇમોશન્સ નક્કી થાય છે..
એટલે જ તો ક્રાઈમ બ્રાન્ચ માં વોઇસ કેટલો અહેમ છે એ વાત મૂવીઝ અને સિરિયલો દ્વારા બચ્ચે બચ્ચો જાણે છે.

આ વાત સાથે આપડે સહમત છીએ હો..

વર્ચ્યુઅલ ફ્રેન્ડ્સને રીઅલમાં મળીએ પછી કાં તો એક સરસ દોસ્તીની શરુઆત થાય છે કાં તો દોસ્તીનો અંત આવે છે. ક્યારેક કોઈક્ને મળીએ પછી એને અવાર નવાર મળવાનું મન થાય એવું એસેન્સ છોડી જાય તો ક્યારેક કેટલાક જાતે જ કબુલે કે મને એક વાર મળ્યા પછી લોકો ફરી મળવા નથી માગતાં…!!
Its All About Our Personality You khnow…🤣

-rita

#સર્ફ_એકસેલ_અને_હિન્દુ_મુસ્લિમ..

કદાચ ૧૯૮૦-૮૧ કે ૮૨ સુધી આપણને ઓડીયો-વીડીયો જાહેરાતો થિયેટરોમાં મોટા પરદે જોવા મળતી. સમયના પરિવર્તન સાથે ૮૨-૮૩ પછી ઘેરે ઘેર ટીવી આવી ગયા. પહેલા આપણે ત્રણ કલાક થિયેટરમાં આપતા ત્યારે જ ઉસકી સાડી મેરી સાડીસે સફેદ કૈસે જોતા..પણ હવે ચા-કોફી પીતાં-પીતાં એક જ જાહેરાત ચાર્-પાંચ વાર જોવા મળે છે.

આ એડફિલ્મ પાસે ફિલ્મની જેમ સવા બે કલાકનો સમય નથી હોતો. આપણે જાણીએ જ છીએ કે દસ કે પંદર સેકન્ડમાં એક એડફિલ્મ પુરી થઈ જાય છે.

માઈક્રોફીકશન સ્ટોરીઝની જેમ જાહેરાતને પણ લીમીટેડ શબ્દો અને લીમીટેડ સમયમાં પોતાની વાર્તા રજૂ કરી દેવાની હોય છે. એ એડફિલ્મનું હાર્ટ હોય છે એમની પ્રોડક્ટ.

આ એડફિલ્મ્ ક્યારેક સમાજના પ્રતિબિંબ જેવી હોય છે, તો ક્યારેક સમાજ સામેનો અરીસો પણ!પાવરફુલ એડવર્ટાઈઝ માટે જેણે એ વાપરવાનું છે એની લાગણીઓને સ્પર્શતી પાવરફુલ સ્ટોરી જોઈએ કે જે સામાન્યમાં સામાન્ય માણસને પણ આસાનીથી યાદ રહી જાય.ક્યારેક આ એડફિલ્મો સાંપ્રતસમાજની માનસિકતાના પાયા હચમચાવી એવી પણ હોય તો ક્યારેક બદલાવવામાં ચાવીરૂપ ભૂમિકા પણ ભજવે. સમાજ વ્યવસ્થાના મૂળમાં જ પરિવર્તન રહેલું હોય છે, સમાજ સમયે સમયે બદલાતો રહે છે કારણ કે પેઢી દર પેઢી સમાજ વ્યવસ્થા વિશે કેટલીક નવી ક્રાંતિકારી બાબતો આવવાની જ.

સર્ફ એકસેલની હોળી સ્પેશયલ જાહેરાત જોઈ કેટલાય સમાજના ઠેકેદારોનું નાકનું ટીચકુ ચઢી ગયું છે.

પણ એ જાહેરાતનું એપીસેનટર “માનવીય સંબધ” છે. હોળીનો તહેવાર ભલભલા બુઢા-બુઢીઓને બાળપણનો અહેસાસ કરાવી દે છે. આ જાહેરાત દ્વારા એડમેકર તમારી અંદરના બાળક્ને સ્પર્શી ગયો છે, જે તે ઉંમરે અસલી જિંદગીની આ કોકટેલનો સ્વાદ માણવાનું ચુકી ગયાનો અફસોસ તો નથી ને એને હિન્દુ-મુસ્લિમ ની ધાર્મિકતાની સરહદ સાથે જોડવામાં?

એક સાધારણ માણસનો બીજા સાધારણ માણસ વચ્ચેના અસાધરણ ઈન્વિઝીબલ અને અનએવોઈડેબલ ગ્રેવીટી ફોર્સને લોકો ઇવન પરમાત્મા પણ “પ્રેમ” ના નામથી ઓલખે છે. બે માણસને જોડતી સંવેદના જ્યાં હોય ત્યાં ધર્મ કોઈ જાતિ કે વિચારધારા ગુલામ નથી રહેતો.સામાન્ય રીતે, ધર્મપ્રમ એ પરાપૂર્વથી ચાલતી આવતી આપ્ણી સમાજવ્યવસ્થા છે. પણ પરિવર્તનને કોઈ અટકાવી શકે નહી, આવી એડફિલ્મ ધર્મપ્રેમની વહેતી ધારાને ઉલટાવી નાંખે અને એને પ્રેમધર્મમાં પલટાવી પણ નાખે…કલ ક્યા હો કિસે પતા??🙃🙃

-rita